PAGLIPAY (Crossing)

Sa wakas napanuod ko din!

*In a world full of Lloydie and Empoy, I'll wait for my Atan :)

*Napakapersonal ng pelikulang ito sakin. Nung Grade 1 ako matapos pumutok ng Pinatubo nagkaroon ako nang pagkakataong makasama sa isang bubong ang isang Aeta. Biglang nag flashback lahat ng aming mga usapan. Napagtanto kong yun ang unang pagkakataon na nagtanong ako tungkol sa kalagayan ng mga kababaihan sa lipunan . Sabi nga ni Ani, buti ka pa may choice ka.

1. Akala ko sobrang seryoso ng pelikulang ito hindi pala. Marami siyang masasaya at heartwarming na eksena. Andaling makarelate sa pinaghalong comedy at drama.

2. Bilang lumaki malapit sa ilog na niragasa ng lahar, nadama kong muli ang mga alaala ng will to survive ng mga kapatirang Aeta at ng iba pang naging apektado ng pagputok ng Pinatubo. Sabi nga Atan, sanayan lang.

3. Nasaksihan ko din ang pakikipagpalitan nila ng kalakal upang maitawid ang pang araw araw na buhay at mapunan ang kanilang mga pananagutan.

4. Bagamat nawala ang kanilang kabuhayan at ari-arian alam kong hindi nawala ang kanilang respeto sa kultura at kalikasan. Hindi nabura ng lahar at kahirapan ang dignidad nila sa sarili.

5. Maraming pagkakataon narinig ko ang pagkukumpara nila sa mga unat. At dama kong dama nila ang pagtingin ng mga unat sa kanila. Bagamat maraming efforts na matanggap at marecognize ang mga Aeta sa lipunan, may pressure pa rin to become acceptable lalo na sa mga taga lowlands.

6. Ilang palabas pa kaya ang gagawin upang marinig ang panawagan na maraming nawawalan ng kabuhayan dahil sa mga pagsasamantala sa kalikasan?

7. Andaming paalaala sa pelikulang ito. Nasalamin ang pagkakaiba sa paghandle ng emosyon ng mga naninirahan sa urban at rural. Kita din ang madalas nating insensitivity sa katahimikan ng komunidad.

8. Lahat ay daranas ng kalungkutan pero hindi ito permanenteng kondisyon. At lalong higit ang buhay ay nagpapatuloy lamang anuman ang sitwasyon. Ngumiti ka upang ngumiti din ang mundo sayo.

9. Minsan sa ating kalungkutan nakakaladkad natin ang iba. Sa kagustuhan nating maibsan ang sakit na ating nadarama nagiging unfair tayo sa iba bilang hindi natin nakokonsidera ang epekto neto sa kanila.

10. Para sa mga sunset lovers na tulad ko sobrang refreshing ng mga shots lalo na sa ganitong maulan na panahon.

11. Umiwas po tayo sa mga lalaking nagsisimula sa letter "J" dahil mga seen lord sila. Pero iwasan din ang mga babaeng nagsisimula sa letter "R", ang hirap hirap nilang mag move on. Kawawa naman. *labyoo friends*

12. Lahat tayo ay dumadaan sa Paglipay na bahagi ng ating buhay at may kanya kanya tayong paraan para makatawid.

**Dahil sa Paglipay bumalik ang mga magagandang alaala ko kasama ang mga kapatirang Aeta. Salamat Zig Dulay sa obrang ito at sa mga susunod pa!

Sa mga hindi pa nakakapanuod, SAYANG!

FINALLY FOUND SOMEONE

DEAR FUTURE HUSBAND,

No pressure. Take your time. Be the man that God wants you to be.


Your future wife


*Sinubaybayan ko ang istoryang Laida at Miggy pero para sa pelikulang ito, binitawan ko muna ang alaala at kilig ko sa kanilang dalawa dahil ayokong mag-compare.

*Umaandar ang soksay thoughts ko sa gitna ng luha at kilig.

1. Kinilig ako sa soksay flavor. Fake news, trolls, media mileage, conditioning, sensationalising: mga gawaing umiiral upang paglaruan ang persepsyon at imahinasyon ng masa.

2. Minsan sa pagnanais nating mapagtakpan ang ating kahihiyan at kumita ng salapi, kinakasangkapan natin ang iba.

3. Ang paglaya sa sakit na dulot ng nakaraan ay nagsisimula sa pag-aming nasaktan ka at kasunod ay ang kagustuhan magpatawad.

4. Sa kagustuhang manatili ang mabangong pangalan minsan pinaniniwala natin ang mga tao na ayos lang ang lahat hanggang tayo mismo hindi na din natin alam ang mismong kalagayan natin.

5. Lies have consequences and these are compounding.

6. Matindi pa rin ang kilig ko sa #AshLloyd. Humusay si Sarah G. Mukhang nakatulong na may lovelife na siya hahaha. At si JLC, soooo JLC, ayun na!

7. Generally conservative film, as usual.

8. Nakarelate ako sa kwento ni Gian, sa family background niya at mga sakripisyo sa pamilya. Naluha ako, mga tatlong patak to be exact.

9. Minsan hindi hadlang ang galit at sakit ng nakaraan para magmahal.

10. Gaano ka man alipustahin ng lipunan, ang mahalaga may pamilya kang matatakbuhan.

11. Nakakainis ang gumanap na Randy! Kinikilig na dapat ako kay Gian eh!

12. Tinamaan ako sa work-life balance. Buti na lang nagsimula na akong magbagong buhay.

13. Sometimes we invest our time and energy on the things that will not really matter at the end of our lives.

14. Yung mga product endorsements nakakasira ng moments!

Kung manunuod po kayo tapusin ninyo hanggang credits may dagdag pakwela pa dun.

Tawa-kilig-iyak. #AshLloyd namiss ko pero si Laida Magtalas!